«Күңелем сәйләннәре» исемен һәм җисемен бераз үзгәртте. Һәм!.. Бүгеннән «Сабыема» I Төбәкара онлайн иҗади бәйгегә старт бирелә!
Бәйгенең оештыру комитеты:
- Казан шәһәре Киров районының «101 нче номерлы катнаш төрдәге балалар бакчасы» муниципаль бюджет мәктәпкәчә белем бирү учреждениесе;
- «Татнетны үстерү фонды» коммерцияле булмаган оешмасы.
Бәйгенең мәгълүмати партнерлары:
- Татарстан Язучылар берлеге;
- «Шаян ТВ» телеканалы;
- «Белем.ру» мәгариф-мәгърифәт челтәр басмасы;
- «Белем радиосы» балалар һәм яшүсмерләр интернет-радиосы.
Бәйгенең максаты: мәктәпкәчә яшьтәге балаларның, аларны тәрбияләүче педагогларның һәм балаларның ата-аналарының иҗади мөмкинлекләрен ачуга ярдәм итү, татар теленә, әдәбиятка, шигърияткә кызыксыну уяту.
Бәйгенең рәсми берләшмәсе: https://vk.com/sabyema.
Бәйгедә катнашу өчен 3 яшьтән 7 яшькә кадәр балаларны, аларның ата-аналарын һәм тәрбиячеләрне көтеп калабыз! Гаризалар 2026 елның 28 нче февраленә кадәр (кертеп) кабул ителә.
Тулырак мәгълүмат - беркетелгән НИГЕЗЛӘМӘдә.
