Бу атнада «Күңелем сәйләннәре» III төбәкара онлайн шигырь укучылар бәйгесенең җиңүчеләре билгеле булды - бәйгенең жюри әгъзалары Казан шәһәре Киров районының «Билингваль катнаш төрдәге 7 нче номерлы балалар бакчасы»нда бәйгегә килгән эшләрне бәяләделәр.
Белгәнегезчә, бәйгенең максаты: мәктәпкәчә яшьтәге балаларның, аларны тәрбияләүче педагогларның һәм балаларның ата-аналарының иҗади мөмкинлекләрен ачуга ярдәм итү, татар теленә, әдәбиятка, шигърияткә кызыксыну уяту.
Җиңүчеләр 3 яшьтән алып 4 яшькә кадәр һәм 5 яшьтән алып 7 яшькә кадәр түбәндәге номинацияләрдә билгеләнде:
- Ялгыз башкару (соло);
- Кече форма (дуэт, трио, квартет);
- Гаилә (әти һәм бала; әни һәм бала; әти-әни һәм бала);
- Педагог һәм бала.
Җиңүчеләр исемлеге белән әлеге яңалыкка беркетелгән файлны ачып танышырга мөмкин.
