2024 елның 22 ноябрендә Казан шәһәрендә Идел буе физик культура, спорт һәм туризм университетының (Казан, Универсиада авылы, 35) зур концертлар залында гөрләтеп "Әдәби марафон - 2024" проекты финалистларын бүләкләү тантанасы үтте. Тантанага финалистларны котларга Татарстан Республикасы Мәгариф һәм фән министрлыгы, Татарстан Республикасы Мәдәният министрлыгы, Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы җитәкчелеге дә килгән иде, алар, истәлекле бүләкләрдән тыш, үз министрлыклары исеменнән рәхмәт хатлары да тапшырдылар. Бүләкләүгә проектның партнерлары да кушылды, алар тантанага үз бүләкләрен алып килгәннәр иде.

Тантана республикабызның атказанган һәм халык артистлары, яшь булуларына карамастан зур дәрәҗәләр яулаган яшь җырчылар, театр артистлары чыгышлары белән тантаналы төстә үрелеп алып барылды.

Тантанадан фотолар белән Әдәби марафон проектының ВКонтактедагы рәсми төркемендә фотоальбомда карый аласыз: https://vk.com/album-143856908_305150804.