"Әдәби марафон" проекты янә әдәбият сөючеләрне кулга китап алырга һәм татар әдәбиятын танытырга чакыра!
Бүген XXXVI ДӨНЬЯКҮЛӘМ «ӘДӘБИ МАРАФОН» проектына гаризалар кабул итү ачылды: https://vk.com/adabimarathon.
Гадәттәгечә, җәйге Әдәби марафон, иң беренче чиратта, балалар һәм яшүсмерләр өчен үткәрелә. Ә инде үзләренең уллары һәм кызлары, оныклары белән аларның әти-әниләре, әби-бабайлары һәм апа-абыйлары да катнаша ала.
Гаилә белән Әдәби марафонда катнашу һәм гаиләдә туган телне саклау өчен бу менә дигән мөмкинлек!
Әдәби марафонның Нигезләмәсе белән https://tat-i.net/tt/adabi-marafon-2026 адресы буенча танышырга мөмкин.
