Хәзерге заман татар язучылары һәм шагыйрьләре рейтингы (әдәби марафончылар күзлегеннән)

Татар әдәбияты, татар дөньясы белән кызыксынучы дуслар!

15 ноябрь көнне X Дөньякүләм "Белем җәүһәрләре" бәйгесе финалистларын тәбрикләү белән беррәттән Казанда IX #әдәбимарафон проекты финалистларын бүләкләү тантанасы да үткәреләчәк!

Тантананы оештыру уңаеннан 907 марафончыга "Финал тантанасында кайсы язучы яисә шагыйрьне күрергә телисез?" дигән сорау бирелде һәм бу сорауга бары тик өч кандидатураны гына тәкъдим итәргә ярый иде. Соңгы марафоннарда тантанага нәкъ менә китап укучылар иң күп сораган язучы һәм шагыйрьләрне чакыру гадәткә кереп китте. Гадәттә, әлеге мәгълүматны без үзебезнең эш өчен генә файдаланабыз. Әмма әлеге статистика күпләрне уйга салыр, язучылар һәм шагыйрьләрне китап укучылар белән ешрак аралашырга мәҗбүр итәр, дип санап, анкета нәтиҗәләре белән һәркемне дә таныштырырга булдык.

Анкетадагы мәгълүматларга караганда, татар китапларын укучылар тантанада 203 язучы һәм шагыйрьне чакырырга теләк белдергән. Иң популяр автор - Роберт Миңнуллин. Аны тантанада күрергә 351 марафончы теләк белдергән. Икенче урында - Зифа Кадыйрова. Зифа ханым белән тантанада 132 китап укучы шатланып күрешергә әзер. Өченче урында - Рабит Батулла. Рабит абыйны тантанада сәхнәдә 119 китап укучы күрергә тели.

Шул рәвешле, аеруча популяр 51 әдиптән торган рейтинг түбәндәгечә (ким дигәндә 10 кеше әлеге әдип белән тантана барышында күрешергә тели):

  1. Роберт Миңнуллин
  2. Зифа Кадыйрова
  3. Рабит Батулла
  4. Гөлсинә Галимуллина
  5. Нәбирә Гыйматдинова
  6. Айгөл Әхмәтгалиева
  7. Галимҗан Гыйльманов
  8. Разил Вəлиев
  9. Ләбиб Лерон
  10. Марат Кабиров
  11. Ленар Шәех, Шәмсия Җиһангирова
  12. Мәдинә Маликова, Рафис Корбан
  13. Гөлнур Айзат
  14. Данил Салихов
  15. Гүзәл Галләмова
  16. Рифат Сәлах
  17. Сания Әхмәтҗанова
  18. Илсөяр Иксанова, Фәүзия Бәйрамова
  19. Факил Сафин
  20. Алмаз Гыймадиев
  21. Илгиз Зəйниев
  22. Зөлфәт Хәким
  23. Газинур Морат, Марсель Галиев
  24. Йолдыз Миңнуллина, Раил Гатауллин, Ренат Харис, Рифә Рахман
  25. Йолдыз Шәрапова, Рәмзия Габделхакова
  26. Гүзәл Яхина, Камил Кәримов, Равил Файзуллин, Ркаил Зәйдулла
  27. Ләйлә Дәүләтова, Ринат Мөхәмәдиев, Таһир Шәмсуаров
  28. Резеда Валеева, Рәмис Аймәт, Фоат Галимуллин
  29. Айгиз Баймөхәммәтов, Рөстәм Галиуллин, Фоат Садриев, Хәбир Ибраһим
  30. Рүзәл Мөхәммәтшин, Халисә Ширмән, Эльмира Җәлилова, Эльмира Шарифуллина

Финалга чыккан марафончылар исемлеге белән Татнетны үстерү фондының рәсми сайтында танышырга мөмкин: http://tat-i.net/tt/node/170 

© "Татнетны үстерү фонды" коммерцияле булмаган оешмасы, 2013-2024. Барлык хокуклар якланган!

Адрес: 420021 Казан шәһәре, Каюм Насыйри урамы, 25
Телефон: +79600456353