Казан шәһәрендә гомер итүче Рания Бикчәнтәева яшәр өчен көрәшә

Казан шәһәрендә гомер итүче Рания Бикчәнтәева яшәр өчен көрәшә. Ул 2012 елда авырый башлый. “Хатыным еш кына эч авыртуыннан зарлана иде. Баштарак бу авыртулар үзен бик сиздермәсә дә, соңрак ул түзә алмас дәрәҗәгә җитте. Шуннан соң  хастаханә юлларын таптый башладык. Тикшеренү узганнан соң, табиб­лар Раниягә ашказаны рагының IV стадиясен куйдылар. Башкаланың онкология диспансерында ул операция ясатты, химиотерапия алды”, – дип сөйли ире Марат.

Марат белән Рания уртак дусларының туенда танышалар. Бер-берсенә бер тамчы су кебек охшаган бу пар шул көннән аерылмый. Озак та үтми, гаилә корып җибәрәләр. Әле авыру баш калкытканчы ук Бикчән­тәевлар тормышны яратып, аның һәр мизгелен истә калырлык итеп уздыралар. 2010 елны уллары Тимур дөньяга килгәч, гаилә­ләре тагын да түгәрәкләнә. Тик бәхетләре генә озакка сузылмый. Ранияне авыру түшәк­кә ега.

Бик яшьли әтисез калган кыз әнисе Синә тәрбиясендә үсә. Югары белем алгач, башка­ла­ның бер районындагы пенсия бүлегенә эшкә урнаша. Бүген иң якын сердәш, газиз кеше булган әнисе дә авыру икән. Ул инсульт кичергән, үзе үк яр­дәмгә мох­таҗ. Җитмәсә, сәла­мәт­леге буенче II төркем инвалид та икән әле. Синә апага борчылырга ярамый. Йөрәге авырта. Тик газиз баласы, бердәнбер кызы  өчен ничек өзгәлән­мә­сен?!

Раниягә табиблар: “Без берни дә эшли алмыйбыз. Өеңә кайтып ят. Авырсаң, “Ашыгыч ярдәм” чакырырсың”, – дип кайтарып җибәрәләр. Бикчән­тәев­лар вакыт узган саен Раниянең хәле яхшырмаганын аңлый, әмма бирешергә дә җыенмый. Рания 4 яшьлек улы Тимур өчен яшәргә тырыша.

“Израиль клиникасында ярдәм итәргә вәгъдә бирделәр. Операция өчен якынча 1,1 миллион сум тирәсе акча кирәк буласын әйттеләр. Әлегә Интернет челтәре аша, танышлар, туганнар ярдәме белән акча җыябыз. Раниянең бик тә яшисе килә. Мин үзем дә, улым да тормышны аннан башка күз алдына да китермибез. Соңгы араларда нык ябыгып китсә дә, рухы нык аның.  Ашаганнан соң хәле бик начарая, авыртулары көчәя. Шул вакытта табиб­лар чакыртмыйча булмый. Алар килеп укол ясагач кына, бераз тынычланып йоклап китә. Аның эченә су җыела. Айга 1-2 тапкыр 8 литрлап су суырталар”, – ди Марат.
Интернетта төркем ачып җибәргәннән соң, 11 көн узуга 618 мең сум акча җыелган. “Акча җыярга булышуларын сорап Татарстан Президентына, күп кенә оешмаларга, хәйрия фондларына хат юлладык. Әлегә җавап көтәбез.

Раниянең хез­мәттәш­ләре бик ярдәм итә. Туганнарыбыз, дусларыбыз да кулдан килгәнчә булыша. Төр­кемдә бер белмәгән кешеләр дә матди ярдәм күрсәтәләр. Аларга мең рәхмәт. Озакламый Израиль клиникасыннан җавап киләчәк. Шул вакытка кадәр тиешле сумманы җыя алсак иде. Газета укучылар арасында матди ярдәм күр­сәтергә теләү­челәр табылмасмы? Бар өме­тебез – изге күңелле кешеләрдә. Хаты­нымның гомерен саклап калырга булышсагыз иде”, – ди Марат.

Рания Бикчәнтәеваны Интернеттагы “ВКонтакте” сайтында (http://vk.com/club67994643) табарга була. 

Матди ярдәм күрсәтергә теләүчеләр өчен реквизитлар
Карта сбербанк Maestro срок действия 03/16
№ 639002629004399753
л.с.40817810062215004394/54
БИК 049205603
Кор.счет 30101810600000000603
КПП 165502001
ИНН 7707083893
Получатель: Бикчантаева Рания Фрадиловна
Связной банк – 2989399333440, срок действия 01/17
для безналичного пополнения:
№ счета 40817810500052002154
БИК 044583139
Кор.счет 30101810800000000139
ИНН: 7712044762
КПП: 775001001
Получатель: Бикчантаева Рания Фрадиловна

Киви кошелек – 9510687107

БИЛАЙН - +79061101678

Чыганак: http://www.vatantat.ru/index.php?pg=1069 

© "Татнетны үстерү фонды" коммерцияле булмаган оешмасы, 2013-2024. Барлык хокуклар якланган!

Адрес: 420021 Казан шәһәре, Каюм Насыйри урамы, 25
Телефон: +79600456353