"Белем җәүһәрләре - 2013" IV Бөтендөнья интернет-проектлар бәйгесенең җиңүчеләрен бүләкләү тантанасы 14 октябрь көнне Г.Камал исемендәге Татар дәүләт академия театрында узачак! Тантана 11.00 сәгатьтә башлана. Бу турыда бәйгенең рәсми сайты хәбәр итә. Бәйгенең җиңүчеләре 2013 елның 8 нче октябре көнне Татарстан Республикасы Мәгариф һәм фән министрлыгының 3711/13 номерлы боерыгы белән расланган.
Быелгы бәйгедә барлыгы 68 сайт катнашты, сайтлар белән танышып чыккан экспертлар тарафыннан финалга алар арасыннан 34 сайт тәкъдим ителде.
Тантанага чакырылган финалистлар исемлеге: http://konkurs.belem.ru/node/245
Бәйгене оештыру комитеты чараны яктыртырга массакүләм матбугат чараларын һәм татарча интернет-проектлар ясау белән кызыксынган һәркемне әлеге тантанага көтеп кала!